足球在线 - 做最专业的足球门户网! ZQ24.com
热门: 恒大  C罗  拜仁  德罗巴
您所在的位置:主页 > 足球 > 分析 > 名家观点 >

法達斯維:紅魔精兵蓄銳剿老虎

2017-01-11 09:48  来源:zq24.com   责编:本站编辑

 
寸王肉緊首回合要盡數
今晚英格蘭聯賽盃爆發4強首回合,由連贏8場嘅曼聯主場迎戰「老虎」侯城。紅魔主帥莫連奴一向重視聯賽盃,賽前事先張揚話伊巴謙莫域、保羅普巴等主力會復任正選,擺明想藉地利盡早鎖定決賽嗰張入場券,相反「老虎」新帥馬高施華初到貴境,道行與同胞「寸王」差幾條街,加上心繫護級隨時勒住,紅魔就算讓2球照捧讓球主勝。

(周三凌晨4時開賽)

大勇伊巴抖夠搏老命
曼聯日前派出朗尼等多名副選上陣,喺足總盃大勝雷丁4粒晉級,贏得不費吹灰之力,明顯係為今仗留力。賽前紅魔主帥莫連奴講到明,話上仗冇出嘅伊巴謙莫域、保羅普巴、安達靴里拉同路爾斯華倫西亞等主力,今仗一定正選上陣。始終依家距離決賽只有一步之遙,為咗有冠軍落袋一定搏盡,而且莫連奴一向重視聯賽盃,睇番佢之前2次執教車路士,咁啱得咁蹺,首項冠軍都係聯賽盃,佢梗係想延續呢個首冠傳統,難得抽到好籤,4強只係對弱旅侯城,絕對係殺入決賽大好良機,戰意必堅。

事實上,「寸王」近期一改以往保守風格加強進攻,例如將保羅普巴推前一格當進攻中場,直接令安東尼馬迪爾、拉舒福特、桑馬達、米希達利恩等輪流發威,令攻勢更加順暢,聯賽連盃賽已經連贏8場弗到震,箭頭伊巴謙莫域之前10仗披甲賽事轟入10球,上仗冇出畀呢位老將抖到夠,今仗復出必定盡情數胡。

侯城殘陣內部立立亂
另一邊廂,侯城內部則立立亂,上周中怒炒10月才獲扶正嘅主帥費蘭,搵咗前奧林比亞高斯教頭馬高施華匆匆接手,雖然上仗足總盃首度領軍即贏史雲斯,但呢位39歲少帥初到貴境,毫無英超執教經驗,點同葡萄牙同胞兼「老江湖」莫連奴相比呀。況且侯城喺聯賽排緊包尾,依家梗係護級大過天,聯賽盃可擺埋一邊,而「老虎」今季喺英超失掉44球,係失球第2多嘅球隊,睇埋侯城近4次造訪曼聯全敗,今仗仲有艾穆罕默迪同馬保卡尼要踢非國盃而缺陣,真係未踢已經腳仔軟,紅魔為免夜長夢多,必趁今仗主場之利大勝對手,提早鎖定決賽入場券,就算讓球主客和要讓2球,斯維仍力撐讓球主勝。
 

足球在线直播
原标题:联赛杯-冈崎慎司传射建功 莱斯特2-0利物浦晋级 北京时间9月20日凌晨2时45分,英格兰联赛杯第3轮的一场焦点战在皇权球场展开激烈的角逐,由利物浦队客场挑战莱斯特城队。上... [更多]
原标题:迪巴拉解锁队史第一成就 4场8球意甲=简单模式 3-1,尤文图斯在客场兵不血刃的战胜了萨索洛,目前积12分,以净胜球优势排名意甲榜首。在代表尤文第100次出场里程碑式的比赛... [更多]
原标题:德甲-J罗传射+造点球 莱万比达尔建功拜仁3-0胜 北京时间9月20日凌晨2时30分,2017-2018赛季德甲第5轮的一场重头戏,卫冕冠军拜仁慕尼黑作客费尔廷斯竞技场3-0完胜沙尔克04,暂... [更多]
原标题:西甲-梅西大四喜暴力鸟传射 小苏牙建功巴萨6-1 北京时间9月20日凌晨4点,2017-2018西甲联赛第5轮迎来一场焦点战役。在诺坎普球场,巴塞罗那主场6-1大胜埃瓦尔,全胜领跑积分... [更多]
原标题:塔尔德利缺阵鲁能进攻受阻 进球被吹马加特无奈 几乎一样的剧本,只是这次多了裁判的抢镜。1比1,三连平,鲁能在亚冠争夺战中已经掉队,被华夏和权健拉开积分差距。赛后... [更多]
T0P10新闻 更多>>
焦点赛事直播更多>>